292               TESTAMENTS ENREGISTRÉS AU PARLEMENT DE PARIS            (532)
moynes et par le curé et chapellains de Coulommiers, se ilz y veulent estre, et que ce soit solennellement à tenir cuer, et le lendemain, le service de Mors à dyacre, et à soubzdyacre et à eoriaulx, et que on y face sonner longuement, et que on y donne du pain et du vin aux sonneurs, et qu'ilz soient paiez de leur peine; et qu'il y ait un poile de l'eglise estendu à terre, et aux despens de mon execucion quatre, cierges, chascun de trois livres de cire et non plus, qui seront aux quatre cornés du poile, tant comme on mettra à faire le service; et que, tandiz que on fera mon service, Ten face chanter douze basses messes aux six autelz de Saincte Foy, à chascun autel deux, tant par les moynes comme par les autres prestres de la ville. Et pour chascune messe je laisse deux solz Parisis; et si laisse au prieur dix solz Parisis, à la pitance des moynes vint solz Parisis, et à chascun prestre seculier de Coulommiers qui sera au long à faire le dit service, la veille et le jour, deux solz Parisis. Et ne vueil pas que on y appelle aucun autre prestre, à qui on baille salaire, fors seulement à ceulx qui seront de­mourans à Coulommiers, se ilz le peuvent ou veulent fournir.
Item, je vueil que ce jour on donne pour, Dieu le pain de deux muis de blé, et que on donne à povres gens sans fantise, à chascun un mynot et non plus, et que on le face assavoir où il appartendra.
Item, je vueil que le vir2 jour après ensuivant mes executeurs ou l'un d'eulx se transportent à Rosoy en Brye, et que on y face dire pareillement vespres et vigiles de Mors, et le lendemain le service ; et qu'il y ait sonnerie bonne et longue, et douze livres de cire pour quatre cierges, chascun de trois livres de cire, et deux livres pour tortis et petis cierges à aler aux offrandes et pour mettre aux autelz, comme on a acoustumé de faire à Rosoy, et que on y face dire huit basses messes avec la grant, et pour chascune des messes basses je laisse deux solz Parisis, et dix solz Tournois au curé, pour lui et pour les eoriaulx, dyacre et soubzdyacre, dont chascun aura quatre blans, et lui huit blans.
Item, je vueil que ce jour y ait deux torches, chascune de trois livres de cire, qui seront alumées à lever Dieu, à la grant messe